We use own and third party cookies to improve your user experience and our services, analyzing users' browsing in our website. If you continue browsing, we will consider that you consent to its use. You can get further information in our Cookies Policy
Semente Lugo
Lugar de Barbaim, Santa Maria de Bóveda, 27140 Lugo
Channel
Os começos som duros, por isso precisamos financiar as obras da escola e assegurar a viabilidade do projecto o primeiro ano.
Infrastructure
|
Minimum | Optimum |
|---|---|---|
|
Fechar o terreno com umha vedeaçom de madeira
112 metros de terreno para fechar o espaço de jogos das crianças, a horta e o areeiro.
112 metros de vedeaçom e os postes e suportes para instalar a vedeaçom.
|
$ 937 | |
|
Instalaçom eléctrica nas duas salas de trabalho das crianças e adultas
Instalaçom de cableado eléctrico nas salas de trabalho e no gabinete de atençom
Colocaçom de tomadas de electricidade
Candeeiros com focos para o teito
Canaletas para levar o cabo
|
$ 833 | |
|
Tarima na sala de trabalho das crianças e vestíbulo
Instalaçom de tarima flotante na sala de trabalho das crianças e vestíbulo com um total de 60 metros cuadrados
|
$ 677 | |
|
Pintura interior paredes, portas, rodapés e teitos de todos os espaços da escola
Pintura para os diferentes espaços, brochas, rolos cinta de carroceria e dissolvente.
|
$ 371 | |
|
Aire acondicionado para a sala das crianças
Teremos dous acumuladores na sala mas precisamos de umha fonte de calor mais rápida e eficiente para o inverno, pois o edifício é antif¡go e tanto o isolamento dos vidros das janelas como das paredes e portas é bastante precário e em Lugo é mui frequente baixar dos 0 graus na zona rural.
|
$ 770 | |
|
Casa de banho adaptada para as crianças
Instalaçom de váter pequeno, armário para armazenagem debaixo do lavatório, espelho, porta toalhas, porta papel higiénico, toalhas, aquecedor.
|
$ 364 | |
|
Reconstruçom de paredes e marcos das janelas com cemento
As paredes ao redor das janelas estavam completamente desfeitas, por isso tivemos que refazer paredes e marcos das janelas.
|
$ 62 | |
|
substituiçom de vidros das janelas por vidros laminados
A sala principal tem umha grande marquise envidraçada. A fila de 5 vidros às que chegam as crianças foi substituida por vidros laminados q som mais seguros em caso de partirem para evitar que se magoem as crianças.
|
$ 250 | |
|
Isolamento da cancela de barrotes da entrada da escola.
É preciso isolar a cancela da entrada pois se nom, é impossível conseguir manter quente a sala interior para as crianças pois coa-se todo o aire frio para o interior do edifício.
|
$ 448 | |
|
Toldo para sombra no exterior
Dado que nom contamos no exterior da escola com muita sonbra de árvores, e dá o sol de frente surante toda a manha, precisamos de instalar um toldo na fachada da escola para que as crianças nom tenham que brincar todo o tempo ao sol.
|
$ 312 | |
|
Tarima na sala de trabalho de adultas
Colocaçom de tarima na sala do andar de cima que este ano se usará para actividades de tarde tanto para crianças como para adultas e que para os próximos cursos se poderá usar tb para o horário de manhá da escola se a matrícula aumentasse para ter 2 grupos.
|
$ 1,208 |
Material
|
Minimum | Optimum |
|---|---|---|
|
Material para dotar a sala de trabalho das crianças
Papeleria, material manualidades, brinquedos, estanterias, armários de armazenagem, tapetes para o cham, almofadas, colchonetas, mesas, cadeiras, percheiros, trocador de cueiros e acessórios, contos, ...
|
$ 1,562 |
Task
|
Minimum | Optimum |
|---|---|---|
|
Remanente para o salário da educadora
Como somos um projeto popular as quotas de famílias sócias que levam as suas crianças à Semente Lugo só pagam 180 euros e com isso é com o que se paga o salário da educadora que acompanha as crianças. Para poder pagar o salário completo à educadora precisariamos 8 crianças na escola e por agora nom as temos, por ser o primeiro ano que se bota a andar o projeto. É por isso que precisamos ter um remanente de resistencia para poder enfrentar o salário da educadora durante o periodo em que sociabilize o projeto para que mais famílias se unam ao nosso projecto para o tornar completamente sustentável.
|
$ 1,666 | |
| Total | $ 6,274 | $ 9,460 |
O projeto Semente Lugo é o resultado dumha necessidade coletiva: a criaçom dumha escola popular onde a língua própria constitua a base sobre a que cimentar umha educaçom transformadora. Durante este ano 2016 fomos buscando o lugar para assentar o nosso projeto e conseguimos a cessom de uso de umha antiga escola unitária no lugar de Barbaim, no concelho de Lugo. Desde esse momento propujemo-nos reabilitar um edifício em desuso durante anos para transformá-lo no lugar idóneo para a educaçom das crianças e para convertê-lo num espaço aberto para a comunidade que nos acolhe. Somos as pessoas que conformamos a Associaçom Semente Lugo as que assumimos voluntaria e gratuitamente o trabalho de reabilitaçom da escola e enfrentamos estes reptos como parte da escola de adultas, pois nós mesmas vamos aprendendo a fazer os trabalhos necessários para a reabilitaçom.
A antiga escola unitária de Barbaim é mais umha escola rural unitária espalhada polo rural dos arredores da cidade de Lugo. Muitas destas escolas forom fechando as suas portas às crianças e na atualidade estám em desuso. Esta campaha está destinada a conseguirmos fundos para financiarmos as obras no local e abrirmos o espaço às crianças que voltam para a escola no rural e à comunidade que nos acolhe e que já fai parte do nosso projeto pedagógico.
Funcionamos como umha associaçom sem fins lucrativos e tomamos todas as decisons em assembleia. As crianças e adultas desenvolverám nesta escola todas as suas atividades em galego fomentando o valor da nossa língua e cultura próprias.
O projeto vai dirigido a todas as pessoas que acreditam que a garantia para as crianças galegas conservarem a língua própria da Galiza é escolarizá-las com um modelo de imersom linguística. Vai dirigido àquelas pessoas que acreditam também num modelo de educaçom respeitosa com as crianças, possibilitando a adquisiçom de autoestima linguística e pessoal ao mesmo tempo.
Vai dirigido também àquelas pessoas que acreditam que as necessidades sociais devem ser autogeridas e que se deve criar comunidade para as resolver.
Vai dirigido também às pessoas que acreditam que a educaçom em igualdade é umha ferramenta essencial para a construçom umha sociedade nom patriarcal.
Em definitivo, dirigimo-nos a ti para que agrome a Semente Lugo, semente da língua e da liberdade.
O objetivo desta campanha é reunir dinheiro para fazer frente a várias obras de reabilitaçom do edifício, compra de material para a sala de aulas das crianças, e um fundo económico para garantir a viabilidade do projeto.
O objetivo inicial é conseguir 6.026 euros com os que poderiamos financiar a compra de todo o material para as reformas básicas do andar de abaixo onde estariam as crianças.
Se conseguíssemos chegar aos 9.086 poderiamos acondicionar também parte do exterior e parte do andar de cima para as atividades para adultas e crianças para além de assegurar a viabilidade do salário da educadora.
Todo o trabalho é voluntário e gratuito assumido polas sócias e colaboradoras com o projeto de Semente Lugo.
O projeto educativo Semente Lugo fai parte da rede de Escolas de Ensino Galego em que se encontram os centros Semente Compostela, Semente Trás-Ancos e Semente Vigo. Esta entidade constitui umha iniciativa sem fins lucrativos que toma o seu nome das Escolas de Ensino Galego criadas a inícios do século XX polas Irmandades da Fala e impulsionadas por Leandro Carré e Ángelo Casal. A Associaçom Semente Lugo nasce da colaboraçom comprometida de pais, maes, docentes e crianças a favor da criaçom dum espaço educativo infantil no rural lucense de imersom linguística na língua própria.
Muitas das pessoas que fazemos parte de Semente Lugo temos experiência como ativistas sociais em diferentes associaçons e de diversas áreas sóciais como a Defesa da Língua, a Ecologia, ou o Feminismo. Semente Lugo nasce também da relaçom direta com diferentes centros sociais lugueses que som entidades colaboradoras de Semente Lugo.
